Getur maður farið í fæðingarorlof 12 ára?

Það tekur á að vera ungbarnaforeldri. Líka ung-kisu-foreldri. Það hefur Almar Blær reynt síðustu tvo sólarhringa. Stúfur er pínu óþægur eins og litlum kettlingum sæmir. Fyrsta nóttin var andvökunótt hjá unglingnum. Stúfur vildi alls ekki vera einn frammi, þá mjálmaði hann ákaft. Þegar faðirinn opnaði fyrir honum brasaði hann og brasaði í herberginu svo honum varð ekki rótt...

Í gær og í dag hringdi hinn ábyrgi faðir líklega samtals tíu sinnum í mig í vinnuna, sem hann gerir annars aldrei, nánast!

"Hann er alltaf í snúrunum hjá sjónvarpinu"

"Hann sefur bara og sefur"

"Hann kúkaði í kassann"

"Hann pissaði í rúmið mitt"

"Hvenær kemur þú heim? Ég þarf að fara á æfingu"

"Getur hann verið einn heima allan daginn, ég er að byrja í skólanum í næstu viku"

...já, líklega væri ráð að athuga hvernig málum er háttað hjá fæðingaorlofssjóði...

Athugasemdir

[Sesselja Guðmunds (IP-tala skráð) 20.8.2008 kl. 21:42]

bestu kveðjur til hins ábyrga föður, gangi ykkur vel með uppeldið.

[Adda bloggar, 20.8.2008 kl. 23:24]

Krissa mín!!Þú ert einstakur penni, og einstök sál full af eldmóði og hugrekki!

[Adda bloggar, 20.8.2008 kl. 23:26]

I Miss You Glitter

[Jenný Anna Baldursdóttir, 20.8.2008 kl. 23:37]

Drífa sig, þú ert með akút mál í gangi sýnist mér.  Hehe.

[Rósa Kristín (IP-tala skráð) 21.8.2008 kl. 11:45]

Hæ Bríet - gaman að sjá þig. Mér þætti gaman að hitta þig og ég vona að við hittumst bráðum fljótlega. Til hamingju með kisuna ætlaði ég líka að segja. Og svo segi ég: ég vona að hún verði góð. Ég er bráðum að fara líka í skóla eins og þú og ég fékk svona Hello Kittý skólatösku sem er svört og fullt af skóladóti. Mamma var meira að segja í fréttablaðinu þegar hún var í Kína! Hún gaf mér Baby Born skólaföt. Ég fékk fullt af dóti frá mömmu. Ég fæ bráðum nýjar gardínur...

Við sjáumst fljótlega.

Bæ Bríet!

[Hlín mín (IP-tala skráð) 21.8.2008 kl. 16:34]

Sendum knús úr pestabælinu til alle húbba og knúsiði Stúf frá Eygló.