Mastersgráða í verkfræði nauðsynleg...

Hvað í dauðanum er málið með pakkningar utan um barnaleikföng? Það er nánast óvinnandi vegur að ná dótinu úr pakkanum án þess að vera með þrefalda mastersgráðu í verkfræði! Það er svo flókið og mikið vesen að maður nánast játar sig sigraðan, en með sláturhússhníf og jógaöndum hefst það að lokum...

Fjárfesti í Bratz-hesti í höfuðstaðnum sem mér var sagt að væri alger nauðsyn að eiga. Hann var innpakkaður í kassa. Þegar ég opnaði kassann var hann í plastboxi. Þegar ég braust í gegnum það var hestgarmurinn festur með 70 teygjum í plastboxið. Það tók u.þ.b. tíu mínútur að ná þeim með fagra faxið úr pakkningunum! Eins gott að vera með þrefalda mastersgráður í móðurfærði...

Athugasemdir

[Sibba (IP-tala skráð) 27.8.2008 kl. 19:22]

Ha, ha kannast einmitt við þetta með Bratz leikföng. Hef stundum verið nærri því að gefast upp við þetta. Og það er vitavonlaust að ætla eiganda leikfangsins að gera þetta sjálft !!

[Hallan (IP-tala skráð) 27.8.2008 kl. 23:11]

Mér finnst allra fyndnast þegar á pakkningunum stendur "New easy open package"!  Vá, hvernig ætli sé að lenda á gömlu, erfiðu pakkningunum, maður!  Er fersk í pakkningadeildinni eftir 6 ára afmælið um helgina. Hélt ég yrði ekki eldri við að brjótast í gegnum Bratz og Baby Born pakkningarnar.

[Jenný Anna Baldursdóttir, 28.8.2008 kl. 10:08]

Láttu mig þekkja það.  Kaupi reglulega leikföng handa barnabörnunum og furða mig sífellt á þessari djöfullegu illkvittni sem liggur að baki umbúðunum.

Ég hef skorið mig.

Ég hef setið allt upp í klukkutíma við að losa dúkkuföt af pappa en hver skór, hver smáhlutur er njörvaður niður.

Hreinn og klár sadismi.

[Sigrún Sigurðardóttir, 28.8.2008 kl. 21:35]

það þarf skrúfjárn til að ná bílunum úr pakkningunum, þekki lítið inn á stelpudótið í dag enda dömurnar vaxnar upp úr barbí og brats dúkkurnar voru ekki komnar á markaðinn á þeirra dúkkutímabili...